Малын гоц халдварт өвчнөөс хамгаалсан аж ахуй байгуулах үг хэллэгийг хэрхэн орчуулах талаар салбарын мэргэжилтнүүд хэлэлцлээ

Малын гоц халдварт өвчнөөс хамгаалсан аж ахуй байгуулах үг хэллэгийг хэрхэн орчуулах талаар салбарын мэргэжилтнүүд хэлэлцлээ

Европын холбооны санхүүжилттэйгээр ХХААХҮЯ, НҮБ-ын Хүнс, хөдөө аж ахуйн байгууллага хамтран хэрэгжүүлж буй “Монгол улсад хөдөлмөр эрхлэлтийг дэмжих” төслөөс Мал эмнэлгийн ерөнхий газар, Олон улсын санхүүгийн корпорацтай хамтран малын “Гоц халдварт өвчнөөс хамгаалсан аж ахуй” гэсэн ойлголттой холбоотой үг хэллэгийг англи хэлнээс хэрхэн орчуулах, ойлгох талаар хоёр дахь удаагаа 8 дугаар сарын 28-нд хэлэлцлээ.

Хэлэлцүүлэгт мал эмнэлгийн ерөнхий газар, мэргэжлийн хяналтын ерөнхий газар, улсын мал эмнэлэг, ариун цэврийн төв лабораторийн мэргэжилтнүүд, газрын дарга нар болон олон улсын төсөл хөтөлбөрийн ажилтан нар оролцов.

Гуравхан сая хүн амтай ч, 66 сая малтай Монгол улсын хувьд мах, махан бүтээгдэхүүний экспортыг нэмэгдүүлэх нь даац нь хэтэрч доройтоод байгаа бэлчээрийг хамгаалах, малыг эдийн засгийн эргэлтэд эрчимтэй оруулж малчдын амьжиргааг сайжруулах зэрэгт чухал ач холбогдолтой байх юм. Гэвч Монгол улсын хувьд мал, махны экспортыг нэмэгдүүлэхэд малын гоц халдварт, ялангуяа шүлхий өвчний гаралт буурахгүй байгаа нь гол саад болж байна. Нэгэнт малын гоц халдварт өвчингүй улс орон болоход тодорхой хугацаа шаардагдах тул гоц халдварт өвчнөөс хамгаалсан аж ахуй буюу “компартмент”-ыг байгуулж ажиллах нь одоогийн нөхцөлд хамгийн үр дүнтэй хувилбар юм. Ийм малын гоц халдварт өвчнөөс хамгаалсан аж ахуй байгуулах үйл ажиллагаа нь Дэлхийн мал, амьтны эрүүл мэндийн байгууллагаас гаргасан “Хуурай газрын мал, амьтны эрүүл мэндийн код”-ын 4 дүгээр бүлэгт заасан шалгуурт нийцсэн байх ёстой. Тус кодыг англи хэлнээс монгол хэл рүү хөрвүүлэн орчуулж, нэр томьёонуудын монгол орчуулга дээр мэргэжилтнүүд санал нэгдлээ.

Мал эмнэлэгийн ерөнхий газрын Мал эмнэлгийн хяналт, эрсдэлийн үнэлгээний газрын дарга Б.Болдбаатар хэлэхдээ монгол улс гоц халдварт өвчнөөс хамгаалсан аж ахуй байгуулж чадвал, манай улсаас малын гоц халдварт өвчний статусаараа илүү сайн улс орнууд, тухайлбал Казакстан улс  мах худалдан авахад бэлэн байгааг онцоллоо. Тэрээр хэлэхдээ гоц халдварт өвчнөөс хамгаалсан “бүс” гэхгүй “аж ахуй” гэж ярьж хэвших хэрэгтэйг санал болголоо.

Дэлхийн мал, амьтны эрүүл мэндийн байгууллагаас гаргасан “Хуурай газрын мал, амьтны эрүүл мэндийн код”-ыг монгол хэл рүү орчуулахдаа нэр томьёонуудыг зөв ойлгож орчуулах нь гоц халдварт өвчнөөс хамгаалсан аж ахуй байгуулах ажлын үндэс суурийн нэг болох юм. Мэргэжилтнүүд малын гоц халдварт өвчнөөс хамгаалах арга хэмжээтэй холбоотой 120 гаруй нэр томьёоны орчуулга дээр санал нэгдлээ. Энэ талаарх гурав дахь хэлэлцүүлгийг 11 дүгээр сард Мал эмнэлгийн ерөнхий газар  удирдан зохион байгуулахаар шийдвэрлэв.



Сэтгэгдэл бичих


Улаангом

Үүл багаснa
2
Өдрийн салхины хурд 6 м/с
Шөнийн темпратур -12 ℃
Шөнийн салхины хурд 5 м/с
Өдөр: 3 ℃
Шөнө: -10 ℃
2019-10-24
Өдөр: 6 ℃
Шөнө: -7 ℃
2019-10-25
Өдөр: 4 ℃
Шөнө: -6 ℃
2019-10-26
Өдөр: 2 ℃
Шөнө: -6 ℃
2019-10-27

ХҮҮХДИЙН ӨӨРӨӨ УДИРДАХ БАЙГУУЛЛАГЫН НЭЭЛТТЭЙ ӨДӨРЛӨГ БОЛЛОО.

  • 41
  • 0
  • 2019-10-16

УЛСЫН ТЭРГҮҮНИЙ БӨХМӨРӨН СУМЫН “СУМ СУРТАЛЧЛАХ-СОЁЛЫН ӨДӨР” АРГА ХЭМЖЭЭ ЗОХИОН БАЙГУУЛАГДЛАА

  • 48
  • 0
  • 2019-10-17

УЛААНГОМ СУМЫН УЛСЫН ТЭРГҮҮНИЙ СОЛОНГО 4-Р ЦЭЦЭРЛЭГИЙН ТҮҮХТ 60 ЖИЛИЙН ОЙ ТОХИОЖ БАЙНА.

  • 421
  • 0
  • 2019-10-18

ЗҮҮНХАНГАЙ СУМАНД НУТГИЙН УДИРДЛАГЫН ОРДОН АШИГЛАЛТАД ОРЛОО

  • 39
  • 0
  • 2019-10-18

ТЭС СУМЫН “СУМ СУРТАЛЧЛАХ ӨДӨР” АРГА ХЭМЖЭЭ ЗОХИОН БАЙГУУЛАГДЛАА.

  • 48
  • 0
  • 2019-10-12

ХОВД СУМЫН ЭРҮҮЛ МЭНДИЙН ТӨВИЙН ӨРГӨТГӨЛ ЗАСВАРЫН АЖЛЫГ “ГУРВАН ТЭРМИС” ХХК УЛСЫН ТӨСВИЙН 198,909,909 ТӨГРӨГӨӨР ХИЙЖ ГҮЙЦЭТГЭН УЛСЫН КОМИССТ ХҮЛЭЭЛГЭН ӨГЛӨӨ.

  • 31
  • 0
  • 2019-10-16

ТҮРГЭН СУМАНД НЭХИЙ БОЛОВСРУУЛАХ ЦЕХИЙН НЭЭЛТ БОЛЛОО.

  • 50
  • 0
  • 2019-10-16

ТҮРГЭН СУМАНД 320 ХҮҮХДИЙН ХИЧЭЭЛИЙН ШИНЭ БАЙРНЫ НЭЭЛТ БОЛЛОО.

  • 33
  • 0
  • 2019-10-16

ЦЭРГИЙН АЛБАА ХААСАН ЭРЧҮҮД ХАЛАГДАН ИРЛЭЭ

  • 36
  • 0
  • 2019-10-15

УВС АЙМГААС ҮНДЭСНИЙ БӨХИЙН ӨСВӨР ҮЕИЙН ХОШОЙ АВАРГА ТӨРЛӨӨ.

  • 120
  • 0
  • 2019-10-14

Цахим холбоос