ХЭЛЭЛЦҮҮЛЭГ ...
ТҮГЭЭМЭЛ АСУУЛТ ХАРИУЛТ ...
Энэ нь ташаа ойлголт байна. “Төрийн жинхэнэ албаны мэргэшлийн шалгалт авах журам”-д зааснаар Мэргэшлийн шалгалтын салбар комисс нь төрийн захиргааны төв, нутгийн захиргааны байгууллагын гэсэн хоёр чиглэлтэй байна. Төрийн захиргааны төв байгууллагын салбар комисс нь Төрийн албаны зөвлөлийн дэргэд, нутгийн захиргааны байгууллагын салбар комисс нь аймаг, нийслэл дэх Төрийн албаны зөвлөлийн салбар зөвлөлийн дэргэд ажилладаг.Тиймээс яам, агентлагт гарсан сул орон тоог нөхөх мэргэшлийн шалгалтыг төрийн захиргааны төв байгууллагын салбар комисс авна. Гэхдээ шаардлагатай тохиолдолд төрийн захиргааны төв байгууллагын салбар комиссын бүрэлдэхүүнд төрийн холбогдох байгууллагын төлөөллийг оролцуулж болно. Тухайлбал, тухайн албан тушаалд тавих мэргэжлийн болон мэргэшсэн байх шаардлагыг тухайн иргэн хангаж байгаа эсэхийг тогтооход байгууллагын төлөөлөл иргэнийг бүртгэх үед чухал үүрэгтэй оролцдог юм.
 ФОТО СЛАЙД

2017-11-09   17:07:19   773   0
  “статистик – хөгжилд хөтлөх хүч” сарын аяныг 2017 оны 10-р сарын 11-ээс 11-р сарын 11-ний хооронд зохион байгууллаа.
Монгол улсад Статистикийн алба үүсэж хөгжсөний 93 жилийн ойн баярыг тохиолдуулан Увс аймгийн статистикийн хэлтсээс статистик мэдээ, мэдээллийн ашиглалт болон түүний хэрэглээг нэмэгдүүлэх зорилгоор “статистик – хөгжилд хөтлөх хүч” сарын аяныг 2017 оны 10-р сарын 11-ээс 11-р сарын 11-ний хооронд зохион байгууллаа.
Улс, бүс, аймаг, сум, багийн түвшинд олон улсын арга аргачлалаар боловсруулан бэлтгэн гаргаж байгаа Статистик мэдээ, мэдээллийн ашиглалт болон хэрэглээг эрчимтэй нэмэгдүүлж, статистикийн салбарын үйл ажиллагааг аймгийн ард иргэддээ сурталчлах, статистик мэдээллийн ач холбогдол танилцуулах, аймгийн бодлого боловсруулагчид цахим орчноос статистик мэдээллийг хурдан шуурхай авах чадварыг сайжруулах, хэрэглэгчдийг нэмэгдүүлэхэд тус аяны зорилго оршиж байгаа ажээ.
Аяны хүрээнд Аймгийн нийгэм, эдийн засгийн үзүүлэлтүүд, ДНБ тооцоо болон нэг хүнд ногдох дотоодын нийт бүтээгдэхүүний тооцоо зэргийг сүүлийн 10 жилээр бэлтгэн өврийн дэвтэр хэлбэрээр хэрэглэгчдэд хүргэх, нээлттэй хаалганы өдөр зохион байгуулах, Малчин, Зүүнговь, Баруунтуруун, Наранбулаг, Тэс, Ховд сумдын тамгын газрын ажилтан албан хаагч нарт тухайн сумын статистик үзүүлэлтүүдээр танилцуулга бэлтгэж, мэдээлэл хүргэх зэрэг ажлуудыг хийж хэрэгжүүлжээ.
Мөн Их дээд сургуулийн оюутан болон ЕБС-ийн сургуулийн төгсөх ангийн сурагчдын дунд “СТАТИСТИК УВС АЙМГИЙН ХӨГЖИЛД” сэдэвт ЭССЭ бичлэгийн уралдаан, Хүн ам, өрхийн бүртгэлийн мэдээллийн баазыг анхан шатанд бүрдуулж байгаа 93 багийн Засаг нарын дунд мэдээллийн баазын шинэчлэлт, ашиглалт, хэрэглээн дээр уралдаан зарлаж “ШИЛДЭГ БАГИЙН ЗАСАГ ДАРГА” шалгаруулах зэрэг уралдааныг аяны хүрээнд зохион байгуулжээ.
Эссэ бичлэгийн уралдаанд 1-р байрыг Увс аймгийн Улаангом сумын Ю.Цэдэнбалын нэрэмжит “Алтан гадас” одонт Улсын тэргүүний Цогцолбор 1-р сургуулийн 12а ангийн сурагч Д.Цолмонгэрэл , 2-р байрыг Цогцолбор 1-р сургуулийн 12ж ангийн сурагч Н.Мөнхтуяа , 3-р байрыг Увс аймгийн Улаангом сумын ахлах 3-р сургуулийн 12а ангийн сурагч Ц.Мөнхсаруул нар эзлэжээ.
Харин аймгийн 93 багаас ХАӨМС-ын алдаа болон ХАӨМС-г сайжруулсан ажил, шинэ санаа гарган ажилласан Улаангом сумын 3-р багийн Засаг дарга Т.Болдбаатар “ШИЛДЭГ БАГИЙН ЗАСАГ ДАРГА”-р шалгарлаа.
СЭДЭВ : Цаг үеийн мэдээ