Аймгийн “Насан туршийн боловсролын багш нарыг чадавхжуулах сургалт” 3 дугаар сарын 28-29-ны өдрүүдэд явагдлаа. Сургалтаар Насан туршийн боловсролын бодлого, чиглэл, шинээр батлагдсан хууль, дүрэм, журмууд, энэ онд хэрэгжих төсөл хөтөлбөрүүдийн талаар мэдээлэл өгч, “Олон нийтийн санхүүгийн суурь мэдлэгийг дээшлүүлэх хөтөлбөр”, “Бүх нийтийн эрх зүйн боловсролыг дээшлүүлэх үндэсний хөтөлбөр”-үүдийн талаарх мэдээллийг Монгол банкны Увс аймаг дахь салбарын ажилтан Л.Отгонбаяр, Н.Пэлжид, ЗДТГ-ын Хууль зүйн хэлтсийн мэргэжилтэн Э.Наранмандах нартай хамтран мээдээлэл өгсөн. Сургалтын үр дүнд дараах төлөвлөгөөнүүдийг нэгтгэн гаргалаа.
1. Дүйцсэн хөтөлбөрөөр боловсрол нөхөн олгох сургалтад суралцаж байгаа болон сургуулиас гадуур байгаа хөгжлийн бэрхшээлтэй хүүхдүүдийг сургах арга зүй, хөтөлбөр
2. Иргэдэд явуулах 6 чиглэлийн сургалтын агуулгаар сэдэвчилсэн нэгдсэн төлөвлөгөө
3. Олон нийтийн санхүүгийн суурь мэдлэгийг дээшлүүлэх хөтөлбөрийн хүрээнд иргэдэд явуулах санхүүгийн боловсролын хөтөлбөр
4. Бүх нийтийн эрх зүйн боловсролыг дээшлүүлэх үндэсний хөтөлбөрийн хүрээнд явуулах Эрх зүйн боловсролын сургалтын хөтөлбөр
5. Амьдрах ухаанд суурилсан бичиг үсгийн боловсрол олгох сургалтын чиглэл, арга зүй
Сургалтын үеэр 2018-2019 оны хичээлийн жилд зохион явуулсан Монгол бичгийн хичээлээр иргэдэд заах ЦАХИМ ХИЧЭЭЛИЙН УРАЛДААН-ы дүнг гаргаж, шагнаж урамшууллаа. Уралдааны 1 дүгээр байрыг Тариалан сумын багш Ж.Цэдэвсүрэн, 2 дугаар байрыг 2 дугаар цогцолбор сургуулийн багш Р.Цэвээн, 3 дугаар байрыг 6 дугаар сургуулийн багш П.Мөнхболд, тусгай байрыг Ховд сумын багш Ч.Зуунбуян нар эзэллээ. Мөн уралдаанд амжилттай оролцсон багш нартаа “Батламж” гардууллаа.
Та бүгдийн иргэдийг соён гэгээрүүлэх их үйлсэд тань амжилт хүсье.