Увс аймгийн онцгой байдлын газрын дарга, Гамшгаас хамгаалах улсын хяналтын ахлах байцаагч хурандаа Б.Баттулгын баталсан “Шар усны үерийн аюулаас урьдчилан сэргийлэх ”нэгдсэн арга хэмжээний удирдамжийн хүрээнд Сумын засаг даргын захирамжаар Ажлын хэсэг байгуулж сумын хэмжээнд “Шар усны үер, байгалийн болзошгүй аюулаас урьдчилан сэргийлэх ажлын” төлөвлөгөө гаргаж төлөвлөгөөний дагуу 2020 оны 04 сарын 08 –ны өдөр 38 төрийн албан хаагч /здтг-13, ахлах сургууль-5, соёлын төв-3, эрүүл мэндийн төв-2, цэцэрлэг-1, аврах гал унтраах 060-р анги-14/ ард иргэдтэй хамтран үерийн хамгаалалтын далан,зам гүүрны ус зайлуулах суваг шуудууны цэвэрлэгээ хийж шар усны үерээс хамгаалах далан босголоо.
Үерийн далан хйих болон зам гүүрны ус зайлуулах суваг шуудууны цэвэрлэгээний ажилд өөрийн техник тоног төхөөрөмжөөр С.Намсрайжав, С.Цэндаюуш, О.Амарболд туслаж, мөн өөрийн санаачлагаар Т.Батболд, Э.Содномгомбо, Б.Очирсүрэн, Д.Байгаль, Э.Энхтуяа нар хамтран ажиллаа.
Шар усны үерийн хамгаалалт,ус зайлуулах суваг шуудууны цэвэрлэгээний ажилд хамтран ажилласан та бүхэндээ сайн сайхныг хүсье. Засаг даргын тамгын газар болон нийт ард иргэдийнхээ өмнөөс талархал илэрхийлье.