ОХУ-ЫН ТОМСК МУЖААС УВС АЙМГИЙН ОРОС ХЭЛНИЙ ТӨВД 2300 ГАРУЙ НОМ ХАНДИВЛАЛАА

ОХУ-ЫН ТОМСК МУЖААС УВС АЙМГИЙН ОРОС ХЭЛНИЙ ТӨВД 2300 ГАРУЙ НОМ ХАНДИВЛАЛАА

Увс аймгийн удирдлагуудын санаачилгаар 2017 оны 3-р сард Увс аймагт Оросын Соёл шинжлэх ухаан, мэдээллийн төвийн харьяа “Орос хэлний төв” байгуулагдсан. Төв байгуулагдснаас хойш Увс аймаг болон ОХУ-ын харилцаатай муж улсуудын хамтын ажиллагааны хүрээнд тус төвийн материаллаг баазыг бэхжүүлэх талаас санал хүсэлт, албан бичгүүд явуулсны үр дүнд өнгөрсөн жил ОХУ-ын Тува улсын БШУЯ-аас 200 ширхэг орос хэлний сурах бичиг, номнууд,  Хакасс улсын их сургууль, багш нарын мэргэжил дээшлүүлэх институт, ОХУ-ын Алтайн хязгаарын Засгийн газраас ном, материалуудыг хандивласан. Харин энэ удаад ОХУ-ын Томск мужид өнгөрсөн оноос хойш Увс аймагт байгуулагдсан орос хэлний төвд ном материалын дэмжлэг үзүүлэх хөдөлгөөн өрнүүлсний үр дүнд 2300 гаруй ном сурах бичиг, уран зохиолын номнуудыг явуулж өнөөдөр аймгийн удирдлагууд, БСУГ, сургуулиудын орос хэлний багш нарын төлөөллүүд хүлээн авлаа. Ингэснээр Увс аймгийн хүүхэд багачууд, оршин суугчид орос хэлний мэдлэгээ дээшлүүлэх, улмаар жил бүр ОХУ-ын Засгийн газраас Монгол улсад олгодог 500 квот тэтгэлэгт хөтөлбөрт хамрагдан Оросын их дээд сургуульд суралцан мэргэжил эзэмших боломж бүрдэх юм. Томск мужаас зөвхөн орос хэлний ном, материалууд хандивлахаас гадна 2017-2018 онуудад 2 жил дараалан Томск мужийн улсын багшийн их сургууль, политехник их сургуулиас орос хэлний мэргэжилтэн багш нар ирж Увс аймгийн орос хэлний төвд хүүхэд багачууд, насанд хүрэгчид, орос хэлний багш нар, хил, гааль, мэргэжлийн хяналтын ажилтнуудад орос хэлний сургалтуудыг явуулсан билээ. Ийнхүү Увс аймаг дахь Орос хэлний төвийн үйл ажиллагааг бүх талаар дэмжин ажиллаж байгаа ОХУ-ын  Томск мужийн захиргаанд талархал илэрхийлье.   



Сэтгэгдэл бичих


Улаангом

Бороо шиврэнэ
25
Өдрийн салхины хурд 6 м/с
Шөнийн темпратур 15 ℃
Шөнийн салхины хурд 5 м/с
Өдөр: 25 ℃
Шөнө: 14 ℃
2018-07-18
Өдөр: 23 ℃
Шөнө: 14 ℃
2018-07-19
Өдөр: 24 ℃
Шөнө: 12 ℃
2018-07-20
Өдөр: 25 ℃
Шөнө: 13 ℃
2018-07-21

Хогны менежментийг сайжруулахад тулгарч буй саад бэрхшээл юу вэ?

Цахим холбоос